Accións sen saír do plano
Premes unha parcela e desde a propia ficha fas o check-in, cobras, cargas un consumo, abres unha incidencia ou cambias o hóspede de parcela arrastrándoo a outra, con recálculo de tarifa e aviso se cambia o prezo.
O editor de recinto
Debuxar un camping de cen parcelas é cousa dunha tarde
É a parte do produto que non ten ninguén máis: non escolles o teu camping dun catálogo de modelos, debúxalo. E unha vez debuxado, deixa de ser un plano para converterse na pantalla desde a que se traballa.
LibreChegada hoxeOcupadaSaída hoxeRotación: limparParcelistaFóra de servizo
Modo operación, con datos dun camping inventado. Cambia o día coas frechas ou coa barra, e preme calquera unidade para ver a súa ficha.
Modo edición
Como se debuxa
Pon o fondo
Sobe o plano que xa tes —un PDF do proxecto, unha foto do cartel da entrada, un JPG escaneado— e colócao como capa base, coa opacidade que queiras. Ou activa a ortofoto sobre as coordenadas reais do recinto. Ou comeza en branco sobre unha retícula métrica. Axustas a escala cunha medida que coñezas e a partir de aí todo sae en metros.
Debuxa as zonas
O piñeiral, a parte do río, as autocaravanas, os bungalows. Polígono libre con vértices que se arrastran. A zona non é decoración: as unidades que caen dentro herdan a súa tarifa, a súa estadía mínima, o seu tipo de acceso e a súa política de cancelación.
Unha parcela tipo, e multiplícaa
Debuxas unha parcela coas súas medidas e os seus servizos, e coa creación en malla xeras cinco filas por oito columnas coa separación que digas e a numeración posta. Para as filas que seguen un vial curvo, debuxas a polilinea e distribúes N unidades ao longo, coa súa rotación. É a diferenza entre dous días de traballo e dez minutos.
Numera ao final
Seleccionas un grupo e aplicas o patrón: A1 a A20, 101 a 140, prefixo por zona. O editor avisa se quedan números repetidos, se unha unidade sae da súa zona ou se algunha quedou sen tarifa, que é o único que bloquea publicar.
Engade o que non se vende
Recepción, aseos, piscina, restaurante, viais, barreiras. Non xeran ingresos directos, pero o hóspede que escolle parcela na túa web quere saber cal queda lonxe dos aseos, e ti quererás saber que parcelas preto da piscina se venden soas.
Modo operación
O plano como panel de control
Mesma xeometría, outra lectura. Cada unidade píntase segundo o seu estado de hoxe, ou do día que escollas.
Calquera día, non só hoxe
O selector de data amosa o recinto tal como estará o 8 de agosto. A barra de tempo reproduce a ocupación dun rango enteiro, que é a forma máis rápida de ver onde che van quedar ocos de dúas noites sen vender.
Filtros e busca
Ver só as libres, só as saídas de hoxe, só un tipo de aloxamento ou só as que teñen saldo pendente. E buscar por nome de hóspede ou por matrícula: a parcela ilumínase no plano.
| Estado | Que significa |
|---|---|
| Libre | Dispoñible hoxe e sen reserva entrante. |
| Chegada hoxe | Entrada prevista na data que estás vendo. |
| Ocupada | Co hóspede dentro. |
| Saída hoxe | Saída prevista, aínda sen facer. |
| Rotación | Sae un e entra outro o mesmo día: prioridade para limpeza. |
| Parcelista | Ocupación fixa de tempada, fóra da venda. |
| Fóra de servizo | Avaría ou peche técnico. Non se pode vender por erro. |
Por debaixo
Como está feito
O plano debúxase en SVG ata unhas trescentas unidades e conmuta só a lenzo con capa de interacción por riba dese tamaño, que é onde o SVG comeza a pesar. A xeometría gárdase nun sistema de coordenadas do propio recinto, en metros desde unha orixe, e pódese xeorreferenciar se o camping quere coordenadas reais.
Os estados dun rango de datas pídense nunha soa consulta, e durante o día só viaxan pola rede as unidades que cambian. E o plano versiónase: un camping que renumera as súas parcelas en 2027 ten que poder seguir vendo ben o histórico de 2026.
Comezar
Mándanos o teu plano e debuxámosllo
Para a demo preparámolo nós co que teñas: un PDF, unha foto, ou nada máis que a vista de satélite. Media hora, sen compromiso.