Produto
Un camping non é un hotel con parcelas: véndese por metros, cóbrase por persoas, vehículos e amperios, e opérase andando polo recinto. Estes son os módulos, e en que fase chega cada un.
Fase 1
O mínimo co que un camping pode deixar o seu programa actual: debuxar o recinto, vender, cobrar e cumprir.
O recinto real debuxado por ti e usado como panel de control diario.
Planning, calendario e plano sobre o mesmo motor de dispoñibilidade.
Do prezo por parcela ao prezo por persoa, idade, vehículo e amperaxe.
Ficha do cliente, ocupantes, documentos e sinatura.
Conta corrente durante a estadía e liquidación á saída.
Fase 2
Vender sen intermediarios e quitarlle traballo a recepción pasándollo ao propio hóspede.
A túa canle directa, sen comisión e con selección de parcela sobre o plano.
Unha web sen app nin rexistro, á que se entra por QR.
Fase 3
O traballo de campo: a tenda, a limpeza, as avarías, a barreira e o cliente fixo de tempada.
Tenda, bar e recepción con cargo á parcela.
O traballo de campo, desde o móbil e sen papeis.
A barreira consulta o CRM, non unha folla de cálculo.
O cliente fixo de tempada, co seu contrato e os seus recibos.
Fase 4
Distribución, márketing e todo o que se apoia en ter xa unha tempada de datos dentro.
Un só calendario para todos os portais.
Requisitos que non se ven pero se notan
Son compromisos de servizo, non unha lista de desexos: se o sistema falla, falla en agosto e co mostrador cheo.
| Aspecto | Compromiso |
|---|---|
| Dispoñibilidade | 99,5 % mínimo. As paradas de mantemento nunca entre as 15:00 e as 21:00, nin en tempada alta. |
| Velocidade | O plano de 300 unidades por debaixo dun segundo e medio. Unha busca de dispoñibilidade por debaixo de medio segundo. |
| Sen conexión | Recepción pode facer check-in e cobrar coa liña caída, e sincronízase ao volver. Nun camping rural isto non é opcional. |
| Móbil e tableta | Toda a operativa diaria. A edición do plano faise en ordenador ou tableta grande. |
| Idiomas | Galego e castelán na primeira versión; inglés e francés para o persoal de tempada. |
| Lexibilidade | Contraste e tamaño pensados para un mostrador con sol de agosto dando na pantalla. |
| Datos | Na Unión Europea, illados por camping, con copia diaria e exportación íntegra cando a pidas. |
Integracións
SES.Hospedajes do Ministerio do Interior, ARCE para a enquisa do INE, a AEAT para VeriFactu, e Redsys ou Stripe para cobrar con tarxeta.
Pitchup, ACSI, Camping.info e os portais específicos do sector, máis Booking.com e Airbnb. Para as canles pequenas, importación e exportación por iCal.
Lectores de matrícula e barreiras, pechaduras intelixentes de bungalows, contadores eléctricos con telelectura e datáfonos.
WhatsApp Business, correo transaccional, sinatura electrónica con validez eIDAS, exportación ao programa contable do teu asesor e unha API pública documentada.
Comezar
A resposta depende de como traballes ti, non dunha lista de funcións. Cóntanolo en media hora e vémolo sobre o teu propio plano.
